«шавкат мирзиёев» тегли мақолалар
Uzbekistan Airways компанияси янги бизнес моделига ўтмоқда. Асосий ўзгаришлар
Uzbekistan Airways миллий авиакомпанияси трансформация қилиниб, хизматнинг гибрид моделига ўтказилади. Харажатларни камайтириш учун штатлар қисқартирилади, хориждаги самарасиз 20 та ваколатхона ёпилади. Май ойидан 9 та норентабел рейслар (Париж, Рим, Милан, Токио, Бангкок ва бошқа шаҳарларга) бекор қилинади. Арзон рейслар очилиши ва ички рейслар сони ҳафтасига 17 дан 49 гача кўпайиши кутилмоқда.
Самарқанд туризм салоҳиятининг кўпи билан 5 фоизидан фойдаланаяпмиз — Азиз Абдуҳакимов
Туризм ва спорт вазирининг таъкидлашича, «Самарқанд туризм салоҳиятининг кўпи билан 5 фоизидан фойдаланаяпмиз». Бунинг учун янги аэропорт қурилаётгани ва йилига 1,5 млн йўловчига хизмат кўрсатиши айтилди. Азиз Абдуҳакимов Uzbekistan Airways`нинг қиммат парвозлари муаммоси Самарқанд халқаро аэропортига очиқ осмон мақоми берилиши билан ҳал қилинишини таъкидлади. «Самарқанд халқаро аэропорти очилса, нархлар тушади», — деди у.
«Ҳар бир туманнинг раҳбарлари 35−40% ойлигини давлатга тўлашни ўйлаши керак» — президент
«Ҳар бир районни 4 та раҳбари виждони бўлса, вилоят ҳокимига келиб айтиши керак „35−40 фоиз ойлигимни давлатга тўлайман“, деб. Нимага десангиз ҳар бир маҳалла, туманда 15, 20, 30 фоиз фуқаро чет элда юрибди», — деди давлат раҳбари. Маълумотга кўра, Самарқандда 220 минг нафар фуқаро чет элда, 174 минги эса ишсиз.
Президент шу ҳафта олти мамлакат элчиларини қабул қилади
Президент Шавкат Мирзиёев шу ҳафтада олти давлат ва Европа Иттифоқининг янги элчиларини қабул қилади. Бундан ташқари, Хизмат кўрсатиш соҳасини ривожлантириш бўйича видеоселектор йиғилишини ўтказиш ҳам режалаштирилган.
«Сайловлар бўйича бизга холисона баҳо керак» — Шавкат Мирзиёев
Президент ЕХҲТнинг Демократик институтлар ва инсон ҳуқуқлари бўйича бюроси ва Парламент ассамблеяси тўлақонли миссиясини октябрда бўлиб ўтадиган сайловларни кузатишга таклиф қилди.
Самарқанд бешта йўналиш бўйича ривожлантирилади
Шавкат Мирзиёев Самарқанддаги йиғилишда шаҳар келажагини янада обод қилиш ва ёшлар учун имкониятларни кенгайтириш вазифасини эълон қилди. У Самарқанд вилоятини ривожлантиришнинг бешта йўналишини, шу жумладан саноат, транспорт логистикаси ва туризм соҳаларини белгилаб берди.
Кимни ҳисобига коррупция бўляпти? Халқимиз ҳисобига — Шавкат Мирзиёев
«Давлат нима билан қудратли? Қонун билан. Ҳеч кимни бунақа қилишига йўл қилмаймиз. Бу нарсалар бизга сабоқ бўлиши керак», — деди Шавкат Мирзиёев мамлакатда кузатилаётган коррупция ҳолатлари ҳақида.
Президент Пахтачи туманининг номини ўзгартиришни таклиф қилди
Шавкат Мирзиёев Пахтачи туманидан келган онахон билан суҳбатда шу таклифни билдирди. «Пахтачи деган ном, масалан, менга ёқмайди. Нима биз Пахтачи бўлиб ўтиб кетаверамизми?», — дейди президент.
«Ватанпарвар» ташкилоти «Темир дафтар»га кирганларни ҳайдовчиликка бепул ўқитади
Президент Шавкат Мирзиёев видеоселектор йиғилишида 1 июндан «Ёшлар дафтари»га киритилган ёшлар ва меҳрибонлик уйи тарбияланувчиларига ҳайдовчилик гувоҳномасини олиш харажатлари бюджетдан тўлаб берилишини таъкидлаб ўтди. «Ватанпарвар» ташкилоти томонидан «Ёшлар дафтари» ва «Темир дафтар»га киритилган фуқаролар юқоридаги касбларга бепул ўқитилиши режалаштирилди.
Шавкат Мирзиёев Самарқандда Қорасув мавзесидаги уй-жой қурилиши билан танишди
Шавкат Мирзиёев Самарқанд вилоятига ташрифи чоғида Қорасув мавзесида уй-жой қурилиши билан танишди. Давлат раҳбари қурувчи ташкилотнинг сифат учун масъулияти ва жавобгарлигини янада кучайтирадиган механизм ишлаб чиқиш зарурлигини таъкидлади.
Президентга Имом Бухорий зиёратгоҳининг янги кўриниши тақдим этилди — фото
Шавкат Мирзиёев Самарқанддаги Имом Бухорий зиёратгоҳида амалга оширилаётган ишлар билан танишди. Мажмуа лойиҳасига кўра, у ерда катта масжид, тўртта симметрик минора, йўлдан кириб келишда хиёбон бўлиши кўзда тутилган. Бундан ташқари, зиёратчилар учун 7 та меҳмонхона, 3 та автотураргоҳ, автобекат, супермаркет, бозорча барпо этилади.
Шавкат Мирзиёев Самарқанд вилоятига жўнаб кетди
Шавкат Мирзиёев Самарқанд вилоятига йўл олди. Сафар чоғида — шаҳар ва туманлардаги саноат корхоналари, туризм мажмуалари, транспорт инфратузилмаси, янги уйларни бориб кўриш режалаштирилган.
Шавкат Мирзиёев Имрон Хон билан онлайн учрашув ўтказди
Ўзбекистон президенти Покистон бош вазири Имрон Хон билан видеоанжуман шаклида учрашув ўтказиб, икки давлат ўртасида авиақатновларни қайта тиклаш, имтиёзли савдо тўғрисидаги битимни имзолаш, виза режимини соддалаштириш, транспорт-транзит ва бошқа масалаларни муҳокама қилди. Покистоннинг Serene Air компанияси Ўзбекистонга чартер рейсларини бошлашни режалаштирмоқда.
1 майдан талабаларга ижара тўловининг 50 фоизи давлат томонидан қоплаб берилади
Президент бошчилигида ўтаётган видеоселекторда 1 майдан талабаларга ижара тўловининг 50 фоизи давлат томонидан қоплаб берилиши таъкидланди. Бунинг учун 100 млрд сўм ажратилади. «Дастлабки босқичда ушбу тизим орқали 60 минг нафар ёшлар қамраб олинади», — деди Шавкат Мирзиёев.
Ҳокимларнинг ишда қолиши ёшлар бўйича кўтарган ташаббусига боғлиқ бўлади — президент
Шавкат Мирзиёев ҳокимларнинг ёшлар бўйича ҳар 15 кун, 1 ойда нима ташаббус кўрсатганига қараб фаолиятига баҳо берилиши, шунга қараб ишда қолиш-қолмаслиги ҳал этилишини таъкидлади. «27 йил ёшларни ўқитмадик, дардига қулоқ тутмадик. Ёшлар биздан 20 баравар илгарилаб кетди», — деди давлат раҳбари.
«Ишдан кетганлар маошини давлатга қайтариб бериши керак» — президент ёшлар билан ишлай олмаган амалдорлар ҳақида
Сешанба кунги видеоселекторда ёшлар билан ишлай олмагани учун бир вилоят ҳокими ўринбосари ва иккита туман ҳокими, бир қанча прокурор, ички ишлар бўлими бошлиқлари ва солиқ идоралари раҳбарлари ишдан олинди. «Ишдан кетганлар маошини давлатга қайтариб бериши керак. Пулни болалар уйига олиб бориш лозим», — деди президент. Қолаверса, «1+1» дастури орқали 1 млн ёшлар қамраб олинмаса Адҳам Икрамов ва Дилмурод Қосимов ҳам ишдан бўшатилиши айтилди.
Сурхондарё вилояти ҳокими ўринбосари Чори Бегимқулов лавозимидан озод этилади — президент
Президент видеоселектор йиғилишида вилоятлар ҳокимлари ёшлар билан ишлашни пахта, ғалла экишдек деб ўйлаётганини таъкидлади. Айни шу сабаб йил давомида иккинчи маротаба ёшлар масаласида йиғилиш ўтказилаётгани қайд этилди. Давлат раҳбари ёшлар билан ишлашни муносиб ташкил қилмагани учун Сурхондарё вилояти ҳокимининг ёшлар масалалари бўйича ўринбосари Чори Бегимқулов ишдан олинишини маълум қилди.
Шавкат Мирзиёев расмий ташриф билан Тожикистонга боради — ОАВ
Президент Шавкат Мирзиёев Тожикистон президенти Имомали Раҳмоннинг таклифига биноан 10−12 июнь кунлари расмий ташриф билан Душанбеда бўлиши кутилмоқда. Бу ҳақда Тожикистоннинг маҳаллий ОАВлари хабар берди.
Мамлакатда ҳақиқий иқтисодий ислоҳотлар бошланди — Алишер Усмонов Шавкат Мирзиёев сиёсати ҳақида
Алишер Усмонов фикрига кўра, Ўзбекистонда совет иттифоқидан сўнг бўлган турғунликдан кейин энди ҳақиқий иқтисодий ислоҳотлар бошланди. «Ушбу ислоҳотларнинг ташаббускори, биринчи навбатда, ўз аҳолисининг фаровонлигини ошириш, шунингдек, Марказий Осиё мамлакатлари қўшничиликни мустаҳкамлаш бўйича бошқарувни олган давлат раҳбари ҳисобланади», — деди у Шавкат Мирзиёев ҳақида.
«Бирор ерда ишламасин, ҳамма ойлигини давлатга топширсин» — президент лавозимидан олинган амалдорлар ҳақида
Шавкат Мирзиёев ишдан олинган сектор раҳбарларини «сиёсатга ҳиёнатчи» деб атади. «Ишдан олинганлар ишлаган давридан бошлаб ҳамма ойлигини давлатга топширсин. Телевизорда расмини чиқазиб, „хиёнатчи“ деб бериш керак», — деди президент.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Ўзбекистонликлар 8 март муносабати билан неча кун дам олади?
- Журналист Рухсора Ғофурова иши судга оширилди
Қўшимча имкониятлардан фойдаланиш учун сайтда рўйхатдан ўтинг